Poñentes

Deán da Catedral de Santiago de Compostela dende o ano 2013, Arquiveiro-Bibliotecario da Catedral de Santiago e profesor do Centro Agregado Teolóxico de Santiago de Compostela dependente da Universidad Pontificia de Salamanca.

É licenciado e doutor en Teoloxía e licenciado en Filosofía pola Universidad Pontificia de Salamanca. Ampliou os seus estudios no Instituto Francisco Suárez do Consello Superior de Investigacións Científicas (1979-1983) en Roma como becario do Centro Español de Estudios Eclesiásticos, anexo á Igrexa de Montserrat, realizando cursos en varias facultades romanas e como investigador no Arquivo Secreto Vaticano (dende 1982 a 2011).

Enxeñeiro Informático pola Universidade da Coruña especializado en sistemas ubicuos. Traballou durante 7 anos na Fundación Amancio Ortega como coordinador de tecnoloxía dos seus proxectos educativos e sociais.

Tras fundala no 2008, simón Neira Donas xestiona a empresa INNOTO SL, unha consultora enfocada a tender unha ponte entre Internet, a educación, a divulgación e participación cidadá a través do uso de mapas on-line interactivos. Desde ao ano 2016, INNOTO S.L. focalízase en Geozzy.com: unha solución tecnolóxica para a promoción turística e a divulgación-interpretación do patrimonio a través de Internet.

Xosé Regueira é Deputado de Cooperación, Plans Provinciais, Asistencia a Municipios, Turismo e Patrimonio Histórico Artístico na Deputación Provincial da Coruña. 

No ámbito das súas competencias, mantén un forte compromiso coa valorización, protección e dinamización de todas as rutas históricas e culturais da provincia, entre as que salientan os Camiños de Santiago.