Este programa de formación tratará temáticas de interese tanto para profesionais do turismo vinculados ao Camiño como para estudantes que queiran complementar a súa formación e que abordarán os mellores expertos do país. O programa comprende talleres de carácter eminentemente práctico e mesas redondas nas que se abrirá unha quenda de preguntas aberto ao público. No caso das persoas interesadas en asistir aos talleres, recomendamos que leven un portátil para poder seguir as explicacións prácticas que se achegarán en cada un deles.

O aforo estará limitado, polo que se require a reserva de praza. Esta realizarase a través desta propia web.