Noticias

A compañía participa desde mañá na feira de turismo B-Travel, onde dará a coñecer entre os visitantes os servizos de transporte de equipaxes etapa a etapa no Camiño ou o envío de maletas e bicicletas.

Cataluña é un dos principais lugares de orixe dos peregrinos que realizan as distintas Rutas Xacobeas, superando os 13.600 en 2017.

Barcelona, 19 de abril de 2018.- CORREOS estará presente na vixésimo quinta edición da feira de turismo  B-Travel de Barcelona. A empresa postal e de paquetería contará cun posto neste evento de referencia no que presentará aos asistentes os seus principais servizos para os peregrinos que fan o Camiño de Santiago.

Cataluña é un punto crave para o Camiño de Santiago, xa que é un dos principais lugares de orixe dos peregrinos que realizan as distintas Rutas Xacobeas. En 2017, foron máis de 13.600 os cataláns que recolleron a “Compostela”, o documento que acredita realizar polo menos 100 quilómetros nalgúns dos Camiños ata Santiago.

Para solucionar as necesidades dos peregrinos no Camiño, CORREOS puxo á súa disposición servizos como o  Paq Mochila -para o transporte dos equipaxes etapa a etapa, que lles permite realizar o Camiño sen cargar coa mochila -, o  Paq Bicicleta -para envíos de bicicletas entre calquera oficina postal-, o  Paq Peregrino -para enviar maletas e paquetes- ou o servizo de consigna que ofrece aos peregrinos na súa oficina de Santiago, a 2 minutos da catedral.

Ademais de recibir información, os cidadáns que se acheguen á caseta de CORREOS poderán participar en varias iniciativas: envío de postais físicas e dixitais, sorteos dun pack para o Camiño, etc.

CORREOS no Salón  International de Turismo –  B- Travel

CORREOS dispoñerá dunha nova caseta en cálea D do pavillón 8 da  Fira. Será atendido por unha vintena de traballadores postais que darán a coñecer os servizos para o Camiño e que animarán aos visitantes para participar en diferentes actividades para a obtención de premios. Asistirá tamén á inauguración o director de CORREOS da Zona 3 (Cataluña), Carlos  Chimeno.

A caseta contará cun sinxelo concurso no que os visitantes poderán optar a un  pack de produtos do Camiño de Santiago: unha Credencial Filatélica cunha funda, unha gorra, un  pendrive do Camiño, un caderno, etc.

Dispoñerá tamén dun photocall no que se poderán realizar fotografías animadas que serán enviadas fisicamente aos destinatarios elixidos a través da aplicación A miña Postal. Esta  APP permite crear e enviar postais a partir dunha fotografía ou imaxe, incorporando mensaxes,  emoticonos e mesmo vídeos cos que a postal cobra vida. CORREOS encárgase da impresión, o  ensobrado, o franqueo e o envío. Grazas a esta aplicación os destinatarios poden recibir nas caixas de correos dos seus fogares felicitacións e recordos orixinais das súas viaxes.

Por último, a caseta do Camiño con Correos é un dos protagonistas do “B-Travel Passport-, o pasaporte que a feira de turismo pon a disposición de todos os visitantes para que poidan entrar no sorteo de premios e descontos para viaxar por valor de máis de 20.000 euros.

Toda a información para os peregrinos na web do Camiño con Correos.

 Correos creou para os peregrinos a web www.elcaminoconcorreos.com ,  onde ofrece toda a información dos seus servizos para eles en nove idiomas, incluído en catalán. O portal conta con información detallada das diferentes rutas, cos consellos de máis de 150 carteiros, que dan pistas aos peregrinos sobre os recunchos que non poden perderse. Tamén ofrece información sobre todos os aloxamentos – albergues, hostais e hoteis- que poden elixir os peregrinos en calquera das súas Rutas.

Ademais, ofrece un sinxelo formulario web desde onde se pode contratar o transporte de equipaxes etapa a etapa na ligazón: http://www.elcaminoconcorreos.com/paqmochila.