Blog
Os segredos da Vía Francígena
Esta asociación foi fundada fai quince anos, forxando como obxectivo principal a promoción da Vía Francígena, un camiño excepcional que discorre desde Canterbury (Inglaterra) ata Roma(Italia) atravesando diversos países, entre os que se inclúen: Inglaterra, Francia,Suíza e Italia.
O relatorio dá inicio coa proxección dun emotivo vídeo de promoción que introduce en contexto ao espectador, viaxando a través dos lugares máis recónditos da Vía Francígena. Bruschi ilústranos acerca da repercusión da devandita Vía, mencionando a importancia do presente ano 2016 con motivo da celebración do xubileu, que contará co Papa Francisco como principal embaixador.
Bruschi incide na importancia de lograr instaurar os recursos necesarios para o próspero desenvolvemento desta iniciativa. Así mesmo sinala a promoción desta Vía como a súa misión principal, involucrando catro alicerces fundamentais para lograr este obxectivo de maneira óptima.
En primeiro lugar destaca a vital relevancia de contar cunha infraestrutura adecuada, así como o amparo das diferentes institucións. Doutra banda encomia o potencial dos estudantes que participan neste proxecto, así como o traballo levado a cabo polas universidades e redes de investigación.Bruschi insiste no transcendente labor das asociacións locais, eloxiando a fervente implicación dos voluntarios, que día a día colaboran transmitindo información e dando aloxamento aos peregrinos.
Finalmente, incorre no obxectivo de crear un único sistema de promoción sobre a Vía Francígena, no que a comunicación xoga un papel fundamental para mellorar a visibilidade desta insólita ruta.
