EXPOSITORES

O Clúster Turismo de Galicia é unha agrupación empresarial integrada por 64 entidades que agrupan toda a cadea de valor do sector turístico e que se distribúen polas catro provincias galegas. Estas entidades, entre federacións, consorcios e asociacións provinciais e galegas representan o 95% do sector turístico de Galicia, agrupando a máis de 7.000 empresas. O seu obxectivo é constituírse como a Voz do Turismo, vertebrando unha oferta tan rica e diversa como a galega e promovendo actividades de colaboración que permitan mellorar a competitividade, a innovación e a internacionalización deste sector. O obxectivo final non é outro que potenciar a marca Galicia como destino turístico forte, diferenciado, e situalo a escala global.