Se sempre se dixo que “o contido é o rei”, no caso das redes sociais cada vez cobra maior importancia. Plataformas como Youtube, Tik Tok e Instagram deron lugar a creadores que logran captar a atención do público cos seus contidos frescos, próximos e de interese para as súas respectivas comunidades. Nesta mesa redonda, analizarase que se está facendo ben á hora de captar a atención do público e como isto se pode extrapolar a destinos e negocios turísticos. Para iso, proporcionaranse exemplos concretos sobre como se traballa a xeración de contidos e como potenciar as conversións dos negocios turísticos a través das distintas ferramentas Social Media.