FEIRA DE EMPREGO

No VI Fairway seguimos a apostar pola Feira de Emprego. Terá lugar o domingo 9 de novembro, e a participación é totalmente gratuíta. Atopa a túa oportunidade laboral dentro dos sectores de lecer e turismo vencellados ao Camiño de Santiago!

En Fairway queremos facilitar o Camiño ao Emprego proporcionando espazos específicos de encontro nos que as empresas poidan trasladar as súas necesidades e concretar aqueles perfís laborais máis demandados. Contaremos tamén con actividades complementarias de interese para empresas e candidaturas. En breve, concretaremos todos os detalles.